Die bärenstarken Schnitzelbänke

Bern

Was haben Tschäppät, Zuppiger, Blatter und Schori gemeinsam? Nun, sie alle kriegen von den Berner Schnitzelbänklern eins aufs Dach. Aber sie sind nicht die Einzigen.

An der Fasnacht ist nicht nur der Bär los, sondern auch die Schnitzelbänkler.

An der Fasnacht ist nicht nur der Bär los, sondern auch die Schnitzelbänkler.

(Bild: Nadia Schweizer)

Die Schwarze

De Chüngelizüchter ihri Chole Het der Kassier eifach gstohle! Dä Kassier, me vermuetets hingedri, Sig der Bruno Zuppiger gsi!

YB startet d’Phase vier: Für jedes Gou äs Gratis-Bier Das gfallt üs nid, mir säges offe, Da wirsch i hundert Jahr nid bsoffe.

Mir hei s’Rating AAA S’Bescht, wo d’überhoupt chasch ha! Bschisse geits der SVP, Die het nume BBB.

Z’London am Computer hocke Und mit Milliarde zocke! D’UBS isch eifach übel Doch mir wei itze nümm z’viel Grübel.

Tschagajew, Hildebrand und Strauss Kahn, Constatin, Blatter s’isch der Wahn! Da sött me doch paar Värsli mache... Doch isch das aus ja nid zum Lache.

Der SVP Geissbock seit Juhei! Ändlech bin ig nümm allei. Dank der Lafranchi und der Rickli Hei mir itze no zwöi Zickli.

Mir si schwarz vermummti Pyromane, Chaote mit gälb-schwarze Fahne. Äs brönnt, äs chlepft – s’isch Horror pur. Däm seit me itze Fänkultur!

So Näme passe mängisch guet Drum treit der Tschäpp ä Narrehuet, Der Hans dä darf i ds’ Stöckli ga, Während der Adrian am Stutz blibt stah.

D’Stadt blockiert mit Polizei, Chunsch nümm düre, chasch nümm hei. Das isch soutüür, derfür tuets’ nütze, Z’Volk vor dr SVP z’beschütze.

Also wenn sie mich schon fragen, dann denke ich, es kommt so oder so, Das Gremium wird entscheiden und dann kommt es wohl so. Auf alle Fälle – ich arbeite dran. Sie hörten Herrn Bundesrat Schneider Ammann.

Dr Pfannehouer

Dr FC Sion hett dr Constantin, dr Schwizer Fuessballverband – ja was hett dä ? Xamax hett e bankrotte Depp u d Fifa hett dr Blatter Sepp I wett i hett – Schtutz für Servette

Für ds Klee-Museum: Gitts jitz Chlüder ? Nei-Ja, doch nid u doch de wider Viu Grossrät und ke blasse Dunscht Jä – es geit halt um abschtrakti Kunscht Wottsch dr Fachmaa-Kommentar no lose ? Ich säich i d Hose, ich säich i d Hose !

So schtreife Berna, Ursina, Finn und Björk – zletscht selig düre Bärepörk All gäh sech d Pfote, gäh sech d Händ und singe n’im Chor zum Häppy Änd: eis-zwöi-drü: Ewigi Rüebli, das wünsch i dir – Ewigi Rüebli, das wünsch i mir –

Ewigi Rüebli, und nid nume Quark Ewigi Rüebli für üs im Bärepark

Für dä nöi natürlech YB-Rase – Chöme 3x jährlech d Sattelschlepper us Bayern cho z rase. – We das i dr Natur vor Sach ligt isch d Frag, wo i där Sach d Natur ligt Natürlech fragsch Di hindedri: Isch Bayern würklech ds Beschte gsi ?

Ufem Ändschpurt für i ds Bundeshuus Gschlipft dr Alex uf dr Iisbahn uus Und isch - wüll Stöckli Amschtutz tütscht Ufem Füdle doch no ichegrütscht Wenn D’ es Diräktmandat wottsch ha Muesch schtatt Cüpli-Bar zum Färnseh gah.

Wenn dr Herr Wyss und dr Herr Schwarz sech tüe liiere Darf dr Wyss de ds Schwarz-Gäld adoptiere ?

Die drei Musketiere

Wülls so erfolgrich tüeg loufe, wott d Migros sofort äs zwöits Westside boue, amene angere Ort äs wird bouglich erstellt, si tüe sech scho brüschte erföffnet wird demnächscht, bi de Tschingge ar Küschte.

S gseht faschgar glich us – so schief dert im Meer u vrgliche mit üsem, isches öppe glich leer Im Gägesatz si die üs aber i eim Punkt vorus für ga ds Bade hei die wenigschtens Wasser im Huus.

Mir hei «braeking-news» Lüt, jetz müesst Dir lose: dä Deal mit de Kampfjets isch faschgar i d Hose, Murers Ueli vrlangt, u het kommandiert, das i däm Flugi, ä zwöite Sitz wird montiert!

Guttenberg, Wulff, Stross-Kahn Zuppigers Brünu und dr Hilderbrand scho hättemer wider föif Ma für d FIFA-Spitze binenand.

04 / 08 / 12 / 16 und d Wahle vom Zwöitusigzwanzig allerspätischtens de denn, isch dä Schori langsam ranzig.

Gedanken zum Fasnachtsplakat: D Idee vo däm Künschtler cha ig nid klar erkenne me chönnt meine, ä Pelier, wett üsi Fahne vrbrönne sisch gwohnheitsbedürftig, äs tünkt üser einer s gseht faschgar chli us, wi usem Container

D’Schisshüsler

Dr Murer tuet gäge d‘ Press gärn schimpfe, für e Vogel Gripen wot är aui impfe. Dä Kampfjet chön viu gueti Sache u d‘Air Force Brichte sige doch zum Lache.

Für d’SVP isch Bärn so färn, i Gmeindrat wette si so gärn. Doch intern wot haut niemer lose so geit‘s haut einisch meh id Hose

Ir Stadt Bärn si d‘Füchs e Plag, si vermehre sich sogar am Tag. Dä wo a jedem Egge wot markiere chönt ma scho mau kaschtriere.

D’Kashya Hildebrand die het gärn Kunscht u brucht dr Dollerkurs zu irer Gunscht. Dr Christoph weiss vo dere Gschicht u spilt einisch meh dr Bösewicht.

Wöschwyber

Dr Stapi het nümm chönne brünzle, ou nid am Morge. Das macht ihm u ou üs Wyber würklech Sorge. Är isch ungers Mässer, süsch, nei, es tuet eim gruse. Bim Tschäppät chunnt ou so no gnue Seich obenuse.

Mit em Gross wei si ganz gross die dritti Stufe zünde. Grosschotzig tüe si scho e Titugwinn akünde. Scho wieder e Flop, für üs ischs klar, tues mau begriiffe. Wie d SVP tanzt YB ou nach ere Zürcher Pfiiffe.

SVP. S’il vous plaît, inespaziere. Mir sueche Lüt, wo für e Gmeindrat kandidiere. Wär wott no, wott nomau, u wär het vo euch noni? Statt dr abgkätscht Schori wär da no dr abglutscht Berlusconi.

Ewigi Liebi, ewigi Liebi, ewigi Liebi. Ewig ewigi Liebi, ewig, ewig ewigi Liebi. Ewigi Liebi, s verfolgt di im Troum, maschs nümme lose. Wachsch uf, ribsch dr d Ouge u ligsch im Heu mit ere Alpeneurose.

Gas-Latärne

Zeig mau! Isch's ä Bitz Dechi vom WestSide, – wo heschs gfunde? Oder isch's äs roschtigs Iseli, – vom ne Outobode unde? Aha, du! Ig chume ändlech druus, ohh, merde! S' isch d' Fasnachtsplagette vor Bärner Kunscht-Avantgarde!

Chunnsch aus Fuessgänger nid uf dr Bare hei, hesch's nid gmacht, wie d' Verkehrsplaner wei. Die säge: Kei Angscht, o aus Chrüppu bisch du im Rächt. D' Houptsach: nid dr Staat,- oder du,- nume d' Outofahrer si schlächt.

Dr Seppli hautet sech für ne schlaue Fuchs us dr Fifa-Deckig meint är zum FC Sion: «ä Punktabzug bruchts». Da flügt de no chli Fäll,- bi dene Alpha-Tier! Sicher gsehsch Seppli u Christian nie meh bim ne Bier!

Ussert am Hildebrand tüe mi aui schocke! So viu Missgunscht, fiisi Hirni,- hout mi us de Socke! Meinsch dr Herrlibärg gäb ändlech Rueh,- aber iiiwo,-! D' Schwizer-Bevöukerig wärtet so öppis uf Ramsch-Niveau!

Dr. Thomas seit z' letschte Mau: «Wetten das? Ou d' Michelle geit u dr Biudschirm wird blass. Nid dass mir säge: »genau das vermisse mir!« Aber: nume Krimis, Awards u »bi de Lüt« finde mir no verschissener!

Pries-Aapassige erfolge säute mau nach unde. Das giut für d' Libero,- u für BärnMobil-Chunde. Mit Mehrfahrte-Charte, wirsch Aktionär bi de Libero-Kasse. Denn, wosch kei Buess, bruchsch minimal so viu Charte, wie bim Jasse!

Diese Inhalte sind für unsere Abonnenten. Sie haben noch keinen Zugang?

Erhalten Sie unlimitierten Zugriff auf alle Inhalte:

  • Exklusive Hintergrundreportagen
  • Regionale News und Berichte
  • Tolle Angebote für Kultur- und Freizeitangebote

Abonnieren Sie jetzt